ابڙو اڪيڊمي Abro Academy
2020-07-22
داخلا نمبر 615
عنوان ٽِيٽو گيتي (اسناف)
شاخ پکي
پڙهيو ويو 297
داخلا جو حوالو:
ٽِيٽو گيتي (اسناف)
28 سينٽي ميٽر (11 انچ) جسامت واري هن پکيءَ جا نر ماد هڪجهڙا ٿين ٿا. ان جي خاص سڃاڻپ سندس ڊگهي ۽ ڪاري نوڪ سان ڳاڙهسري چهنب ۽ ڊگهيون نارنگي ڳاڙهيون ٽنگون آهن. ان جي سِسي، ڇاتي ۽ پٺي سرمائي رنگ جون آهن جن تي ڪارا لينگها ٿين ٿا. پيٽ اڇو ۽ ان تي هلڪا هلڪا داغ اٿس. گيتي ٽيٽو اُڀو بيهندو آهي . خبردار ۽ ٽاهڙ طبيعت جو آهي ۽ ڪنهن ڌارئي وجود کي هڪدم محسوس ڪري وٺندو آهي. ان جو آواز سيٽي دار چتاوڻي چيخن تي مشتمل آهي جنهن سان اوڙي پاڙي جي سڀني پکين کي هوشيار ڪري ڇڏيندو آهي. اڏامڻ مهل چُتر جا اڇا پر نظر ايندا آهن. بهار جي مند ۾ گاھير ۽ آبي چراگاهن ۾ رهي ٿو ۽ افزائش نسل ڪري ٿو. جيت ۽ ٻيا غير ڪرنگهيدار جانور کائيندو آهي. ھي پنھنجو آکيرو زمين کي پيرن سان کرڙي کڏ ٺاھي ۽ بت سان شڪل ڏيندو آهي آکيرو ڊگهي گاهه ۽ ٻوٽن ۾ لڪل ٿئي ٿو.